ქართული ენის სწავლებასთან დაკავშირებული პრობლემები
საკვანძო სიტყვები:
ქართული ენის სწავლება, ქართული, როგორც უცხო ენა, სწავლების პრობლემებიანოტაცია
გამოცდების ეროვნული ცენტრის ქართული ენისა და ლიტერატურის ჯგუფმა 2000 წლიდან დღემდე არაერთი ტესტირება ჩაატარა სხვადასხვა დანიშნულებით: IX კლასის მოსწავლეთა გამოცდა (2000-2003 წლებში), ერთიანი ეროვნული გამოცდები (როგორც სავალდებულო გამოცდა ქართული ენასა და ლიტერატურაში, ისე არჩევითი - ლიტერატურაში), მასწავლებელთა სასერტიფიკაციო და მოსწავლეთა საატესტატო გამოცდები, სასკოლო ოლიმპიადა IX-XII კლასელებისათვის, გარდა ამისა, ტესტური დავალებების წინასწარი გამოცდები, რომლებიც მთელი საქართველოს მასშტაბით ტარდება. გამოცდების შედეგების სტატისტიკური ანალიზი და თვისობრივი კვლევა, მართალია არაპირდაპირ, მაგრამ მაინც იძლევა ქართული ენისა და ლიტერატურის სწავლების პროცესის ერთგვარი მონიტორინგის საშუალებას. გვეხმარება არსებული ხარვეზების გამოვლენაში და გარკვეულ საფუძველს ქმნის იმის გასარკვევად, თუ რა და რატომ არის შესაცვლელი თუ დასახვეწი სწავლების პროცესში. კვლევამ აჩვენა, რომ არსებული ეროვნული სასწავლო გეგმა სერიოზულ ცვლილებებს საჭიროებს. აუცილებელია შეიქმნას ქართული ენის სწავლების ერთიანი კონცეფცია განათლების სამივე საფეხურისთვის. ამ პროცესისთვის დიდი მნიშვნელობა აქვს ენათმეცნიერების უფრო აქტიურ ჩართულობას და პედაგოგიურ საზოგადოებასთან მათ თანამშრომლობას. გარდა ამისა, უნდა იქნას მიღებული სპეციალური ზომები მასწავლებლების მაღალი კვალიფიკაციის უზრუნველსაყოფად.
ჩამოტვირთვები
გამოქვეყნებული
როგორ უნდა ციტირება
გამოცემა
სექცია
ლიცენზია
საავტორო უფლებები (c) 2013 ყველა უფლება ეკუთვნით ავტორებს. ჟურნალი იტოვებს მხოლოდ პირველადი გამოქვეყნების უფლებას.
ეს ნამუშევარი ლიცენზირებულია Creative Commons Attribution-NonCommercial-NoDerivatives 4.0 საერთაშორისო ლიცენზიით .
