სიხარულის კონცეპტი ქართულსა და გერმანულ ენებში

ანოტაცია

ლხინი ქართულში გულისხმობს კოლექტიურ სიხარულს, რაც დაკავშირებულია საზოგადოებრივ მოვლენასთან, იქნება ეს ქორწილი, დაბადების დღე თუ სხვა. მხიარულება დროს ტარებასთან, გართობასთან ასოცირდება. სულხან-საბა ორბელიანი მხიარულს განმარტავს, როგორც ”გონებით გახარებული” (ორბელიანი, 1991: 552). ხოლო სიხარულით გამოიხატება, ერთი მხრივ, ადამიანის განცდა, ხოლო, მეორე მხრივ, გართობა. ამგვარად შესაძლოა ითქვა, რომ ქართულში სიხარულის გამოხატვა საზოგადოებრივ ასპექტზეა ორიენტირებული. გერმანულში სიხარული გამოიხატება ლექსიკური ერთეულით Freude. გერმანულში მხიარული გადმოიცემა ორი სიტყვით: fröhlich და lustig. ებენჰარდის (ებენჰარდი, 1850: 381) ლექსიკონში ვკითხულობთ: Die Fröhlichen tanzen, singen und scherzen. Die Lustigen treiben Spass, erzählen Schwänke, lecken sich, und werden bisweilen niedrig und ressen Possen.